eskuz
esku
Apurtu
da katea. Txalaparta eta adar hotsek eman diote amaiera. Jendea, txaloka, pozik
dago, eta giroa, bero-bero. Katearen hasieran eta amaieran tartean ziren milaka
herritarren zirrara sentitu dute. Durango eta Iruñea, Iruñea eta Durango, inoiz
baino gertuago.
Une gogoangarria da
Euskal Herriarentzat. Adarrek eman dute katean hasi eta bukatzeko seinalea.
Hasi da orain atzera gabeko bidea. Euskal Herriak katea egin du, mugitu da
olatuan, Durangotik Iruñera, eta orain bi guneetan jendetza dago jai eta
aldarrikapen giroan.
Iruñean lehen metroak ordenatuta egon
dira, baina gero multzoka osatu da katea. Durangon ere berdin. Hasiera
ordenatuan izan dira, eskutik helduta, baina ezin kabitu, txiki geratu dira
guneak. Pilatuta da jendea. Aitziber Laskibar kazetaria izan Durangon; Naiara
Elola Iruñean, eskuz esku, eta haien arabera, jendea emozioz beterik dago. Bero
dago, bero izugarria, giroa bezainbeste.
Adarrak eman du amaiera. Txalaparta ozen
aritu da katearen bi muturretan, eta jendea txaloka, pozik.
Ekitaldian batu dira katearen ondoren
hizlariak Iruñean eta Durangon, erabakitzeko eskubidea aldarrikatzen,
herritarrek zer nahi duten deliberatzeko eskubidea.
Iruñean nafarren eskubideak aldarrikatu
dituzte, “mugez gaindi norabide berean” baitoaz. “Hori da guk nahi duguna, guk
deliberatzea zer nahi dugun izan, guk erabakitzea gure mapak zer forma behar
duen izan, Euskal Herriaren zati garelako gu ere”.
Tradizio politiko bakoitzak berea duen
arren, egitasmo ezberdinak dauzkan arren, kontrajarriak zenbaitetan, "ezin
da besteen esku utzi gure erabakia. Horixe besterik ez da erabakitzeko
eskubidea: demokrazia. Elkarrekin, elkarren ondoan bizi garenon arteko adostasuna.
Oinarri amankomun batean batuko gaituena”.
Antolatzaileek azken egunotan bizi izan
duten “zoramena” izan du hizpide, berriz, Nerea Iriartek Durangon. “Abentura
bat izan da”, baina gaurkoa ikusita merezi izan duela nabarmendu du. “Giza
katea Durangon hasteak ohorea suposatu du, baina ardura berezia ere bai”.
Egunotako lan guztia atzean geratu da, ordea, gaur gertatu denak gainditu du
nekea. “Aurrerantzean ere lan asko izango da, eta zenbat eta esku gehiago
errazago egingo dugu. Beraz, abentura honetan parte hartzera dei egiten
dizuegu. Merezi du eta”.
Maite, Joselu, Rakel, Andoni, Jone Miren,
Ainhoa, Gorka, Txoko, Felix, Berta, Enrique, Garazi eta katea osatu duten
katebegi guztientzat izan dira Iruñean eta Durangon azken hitzak. “Eskerrik
asko”. Lanerako dei egin diete herritarrei "etorkizuna gure esku"
dagoelako.
Katean, berriz, hauek izan dira goizean
lehen metroetan.
Durangon
Iñaki Gorritxategi: 83 urte, gerrako umea.
JAEDen sortzailea, euskaltzalea; egun ere bertan lan militantea egiten du.
Maribi Estankona: 71 urte, durangarra,
Durangoko ikastolaren sortzailea eta ikastolako andereñoa.
Rakel Odiaga: 50 urte, Berbaroko
(Durangoko euskara elkartea) langilea eta Durangoko Gure Esku Dago-ko taldeko
kidea.
Peru Arrasate: 20 urte, kazetaritza ikaslea.
Xabier Barreña: 14 urte, bertso eskolako
kidea.
Izar Zubiaga: 7 urte, ikastolako ikaslea.
IRUÑEA
Amaia
Arrieta: iruindarra, 46 urte, hiru seme-alaba. Erdalduna. Langabea.
Marcela Abarzuza: 50 urte inguru, Iruñean liburu denda bat dauka. Euskalduna.
Libe Urroz (71 urte): Caracasen sortutako iruindarra. Aita, Orreagan sortua, Eusko Gudarosteko Irrintzi Batailoiko Gudaria izan zen. Venezuelara exiliatu eta han sortu zen Libe.
Marcela Abarzuza: 50 urte inguru, Iruñean liburu denda bat dauka. Euskalduna.
Libe Urroz (71 urte): Caracasen sortutako iruindarra. Aita, Orreagan sortua, Eusko Gudarosteko Irrintzi Batailoiko Gudaria izan zen. Venezuelara exiliatu eta han sortu zen Libe.
Fernando
Saralegi, pentsionista.
Fernando Arbeloa (47 urte): Iruindarra. Volkswageneko langilea. Bi seme. Erdalduna.
Nerea Aranguren (45 urte): Iruindarra. Eroskiko langilea. Bi seme.
Eva Molina (38 urte): Kataluniarra sortzez. Iruñean bizi da.
Susana Campaña (35 urte inguru): Mezulari enpresa bateko langilea Iruñean. Granadan sortua. Hamar urte inguru Iruñean. Euskalduntzen.
Yuseef: afrikar jatorriko etorkina. Seme-alabak D eredura. Neska-laguna, bertakoa. Euskara ikasten.
Fernando Arbeloa (47 urte): Iruindarra. Volkswageneko langilea. Bi seme. Erdalduna.
Nerea Aranguren (45 urte): Iruindarra. Eroskiko langilea. Bi seme.
Eva Molina (38 urte): Kataluniarra sortzez. Iruñean bizi da.
Susana Campaña (35 urte inguru): Mezulari enpresa bateko langilea Iruñean. Granadan sortua. Hamar urte inguru Iruñean. Euskalduntzen.
Yuseef: afrikar jatorriko etorkina. Seme-alabak D eredura. Neska-laguna, bertakoa. Euskara ikasten.
Idoia Viana: ospitaleko sukaldeetako
langile ohia.
Xabier Irujo Amezaga: 47 urte, iruindarra,
Manuel de Irujoren biloba eta Arantza Amezaga idazlearen semea, 5 semeren aita.
Historialaria, Renoko (Nevada) Unibertsitateko Irakasle.
Goizane eta Saigots Luzuriaga haurrak.
Lenin Ruiz: 54 urte, Managuan jaioa, 26
urte Iruñean bizitzen
Cap comentari:
Publica un comentari a l'entrada